80s toys - Atari. I still have
हाल्ला करेन
मूलः प्रणब कुमार बर्मन
अनुबाद: कन्दर्पजित कल्लोल

आइसेन, आकजन आकजन करिआ आइसेन अथबा सदलबले
आर हाल्ला करेन
हाउस मिटिआ हाल्ला करेन जे
चोँखेर सामनात नारी धर्षणआर प्रजन्मेर खुन देखिआ
चुपचाप थाकाटा पाप।

आइसेन आकजन आकजन करिआ किम्बा सदलबले
आइसेन प्रिय जनगण
आकजन आकजन करिआ कथागुलान कोया यान
केमन करिआ आपनार प्रिय पुत्र किम्बा भाइ अघरी होया निरुद्देश हैल
बुजिआ कोन महामान्य एइ महोदय गुलानक

शरम करबेन ना, किएबा आछे लैज्जा करार जैन्ये
पत्नीर मेखेला खोलार कथा,
कन्यार बक्ष-बन्धनी खोलारकथा,
भाण्डारेर धानगुला काढ़िआ नेवआर कथा
कखन काय दुआरत टकटकाइछिल
आपनार मुखदिआ रक्तेर नदी बोयादिछिल
भय करेन ना
आपनि भय करा माने एइखान देशेर स्बाधीनतार अर्थ शून्य
टुँटिफाटेआ कोया देन, कोया देन
नाहैले सहनशीलतात पाप बिबेचित हैबे

आकजन आकजन करिआ अथबा सदलबले
आर हाल्ला करेन
चिनाक्त करेन
आपनार गोलापेर बागान काय छारखार कर्छिल
तर्जनी डाङिआ चिनाक्त करेन
आपनि मरिबेने गुलि अथबा निरन्न दिनत
ताहैले कि भय? किसेर भय?
------------------------
No content for this blog yet.